حاول

حااااول....

على أد ما تقدر حاااول..

وهييجى اليوم وهتوصل

والسكة ماهيش محتاجة

غير انك بس تحاااول

ابدأ

ابدأ والخطوة الاولى عظيمة

وبعديها كل الخطوات هتفووت

وهتوصل ..أيوه هتوصل

وايه اللى هيمنعك الا المووووووووووت

ياريتنى انا مت وعشتى انتى يا امى

انا كنت ماشى وبقول سلام
لما لقيت الكون بيحلف انى ابقى
فى بطن امى ..سمعت هم ما ينتهيش
وصراخ وجوع واهات هزت قلبى الضعيف
امى بتصرخ من الاوضاع
واولاد بلدى عايشين جياع
وابويا هايم فى السكك..علشان نعيش
وسمعت صوت بيقول قتلى واسرى..
اطفال وماتوا مالهومش ذنب
ماتوا فى يوم ما اتولدوا..خرجوا لهم كبير وربنا ريحهم
ليه... ليه بتحلف عليا ياكون انى ابقى
بحاول اقطع الحبل اللى رابطنى بامى
عشان ما احملهاش طول عمرها همى
لكن دا حبل شديد مش راضى يتقطع
بحاول اخنق انفاسى...بلاقى امى بتنفخ فيا بانفاسها
بحاول ارفض الخروج للدنيا...وامى بتصرخ فيا...
اخرج....اخرج يابنى
انا مهما كان همى ...وكل الهموم فى الكون
هستحملها علشانك
اخرج وانا هاقيدلك شموع وامسحلك دموعك
اخرج ومتخافشى..مش هسمح لهم يقتلوك ويقتلوا براءة الطفولة فى عيونك
اخرج وانا هاكون لك كل شئ فى دنيتك...اخرج يا ابنى
قلت اسمع كلامها ..خرجت ايوه خرجت للدنيا
واستنيت امى تطبطب عليا ..وتاخدنى فى حضنها زى ما حلمت طول عمرها
لاقيت ايادى كتيرة عمالة تشدنى..اصوات بتبكى وعيون ماليها الدمع
كلها ايادى باردة فين ايدك يا امى
وسمعتهم بيقولوا ماتت ...لا مش ممكن
ليه يا امى...سبتينى اخرج وعشمتينى انك هتبقى طول عمرك جنبى
ليه سبتينى اخرج وما القاش حضنك يا امى
ياريتى قطعت الحبل اللى بينى و بينك ولا موتيش يا امى
يا ريتنى انا مت وعشتى انتى يا امى

مالك وماااااااااااااااااااااااااااااااااااالى

مالك ومالى...

انا كنت عايشة لوحدى وراضية بحالى

جاى ليه تفتح لى قلبى الخالى

ناوى تقعد فيه والا هتهجره وتخليه

يندم على انه اداك مفاتيحه باديه





مالك ومال الحب...

دا الحب دا كلمة احنا مش قدها

يادوب بنقول ياهادى ودا مش وقتها

لسانا خطوة صغيرة ..اعجاب وحيرة وقلق

اما الحب دا فنار ومشعللة

سذاجة

ضحكت ضحة طويلة..كملها معاها

وفجأة بطل ضحك ..واداها على قفاها

لك الله يا فلسطين

لك الله يا فلسطين ولنا ان ندفن رؤسنا كالنعام فى التراب

فلقد اكتفينا بالمشاهدة والبعض من ذوى النفوس الميتة لم يكتفى بالمشاهدة فقط بل رفع يده مصفقا

لا املك سوى الدعاء عله ينفعك

اللهم احفظها وحررها وثبت ابنائها

اللهم كن معها

..........................................

كانوا اتنين حيرانين

فى الحياة متبهدلين

كل واحد شايف احلامه بعيدة...احلامه سراب

شايف الحب وهم مش حقيقة

قالوا ليه؟ ليه مانجربش نعيش الحكاية

هما اللى عاشوها قبلنا كان فيهم ايه؟

اتفقنا واختلفنا وانتهينا باتفاق

دبلة فضة من غير غوايش

وماذون كمان من غير كتاب

من حظنا نسى الكتاب...ضاع الكتاب

جبنا الكتاب ضاع القلم

جبنا القلم ضاع هو منى

ضاع ليه وفين؟

جه امتى ..ومين خلاه يغيب

ومايقولش ليه ان عمره ماهيكون الحبيب