حبيبى..قلب طيب
قلبه كان محتاج لقلبى
قلبى كان محتاج لقلبه
روحه كانت جوا جسمى
روحى بتجرى فى دمه
ضحكته..نظرته...جوا فى عقلى
لو حزين..بقرا دمعة فى عنيه خايف احس بيها
وبيحاول برموشه يداريها
عشان يخلينى سعيدة
لو سعيد..بيطير وياخدنى فى حضنه
ويسمعنى دقات قلبه
ونرقص سوا على دق القلوب رقصة غرام
اتعاهدنا واتواعدنا نحافظ على اللى بيننا
وننسى اى ماضى كان حزين
منفكرش غير يوم ولادتنا سوا بقلب ابيض مليان حنين
حبيبى
شمعة بتنور حياتى
سامعة قلبه بينادينى
وعينى دايما بتناديه
والكلام اول ما نتلاقى بيهرب..
احساسنا اكبر من الكلام..
لغة العيون اللى ما بيننا بتوصف احساسنا البرئ
هو البراءة..ايوه البراءة
هو الحياة من غير خداع
نفسى اكون له حظه وسعده..
نفسى نعيش فى بيت صغير يجمعنا سوا
واديله عمرى ودنيتى..
واخدمه برموش عنيا..واشيله فيها
ولا اى شئ يفرقنا عن بعضنا
وولادى منه يكونوا صورته
اللى تنور لى حياتى لو غاب في يوم لحظة عنى
يارب تجمعنا سوا
فى محبتك وطاعتك
وتنور طريقنا بالايمان
ولاتفرقنا يوم عن بعضنا
واجمعنا فى جنة الخلود
انا وهو....

ليلة بالعمر كله

ليلة جميلة
عشنا فيها
اجمل حكاية حب تحكيها السنين
ايام طويلة
وانتا غايب
ورجعت ليا باجمل كلام فى الحنين
دوقتنى طعم السعادة
شدتنى ليك...وخدتنى
لدنيا غير دنيا البشر
احساسى كان احساس ملاك
طاير فى احلام فوق السحاب
وانا بين ايديك حسيت كأنى ..عصفورة طايرة فى السما
حرة واحساسها ملوش اى حد
حسيت بضحكة قلبك الابيض بجد
وياك انا لقيت حياتى فى كلمة واحدة
كلمة (بحبك)
ايوه بحبك من سكات..من غير كلام
حب القلوب بيتلاقى من غير كلام