كن صديقى...

كن صديقى
واحتمل حماقاتى وضيقى
لاتلمنى عندما ترى ضعفى وحزنى
فمن دونك استطيع ان اشكو له همى

ياصديقى..
صارت الايام بيننا مد وجزر
ومازلت صديقى...

نختلف ونتفق...
تفرح الايام مع افراحنا
ويصبح الماضى اطلال حينا يطل علينا وجه النهار

لنستقبل يوما جديدا

نراه دوما مشرقا

نحس فيه شمس الكبرياء

نحس فيه روعة السحاب فى السماء

ونسمع انا وانت تغريد عصفورين

يطلقون لاحلامهم العنان

وينطلقون مع امانيهم

بدون اى رغبة فى الاستسلام

هذا انت ياصديقى

حينما يأتى المسااء

انتظر صوتك..ليبلغنى بأمنيات ليلة سعيدة

وأحلاما سعيدة

ونوما هنيئا

فهنيئا لك ياصديقى

وهنيئا لى على وجودك دوما فى حياتى

وهذه الليلة سأرسل مع النوم أغلى أمنياتى

كن صديقى

لاخر العمر...كن صديقى

تسمحيلى بالرقصة ديا....

تسمحيلى بالرقصة ديا
مدى ايدك بين ايديا
ضمى قلبى جوا حضنك
احضنينى ..حسسينى ان حبك أقوى شئ فى الدنيا ديا

خايفة من بكرة ابعديه
من خيالك
عيشى دلوقتى معايا
فى خيالى
سامعة قلبى
حاسة نبضى
ااه بحبك

ساكتة ليه
اتكلمى
عرفينى انى مش بحلم وانك فى حضنى
بس اوعى تتكلمى وتفوقينى ..من حلمى
مش تسألى...بس سيبى قلبك الطيب يقول
قولى طيب...
قولى انك مستحيل تستسلمى
واوعى تقولى ان الرقصة انتهت ولازم ترحلى

ااه بحبك
حبك انتى له طعم تانى
ايوه انا فى حبك أنانى
ولا عايز حد تانى
تسمحيلى اعبرلك عن شئ من حنانى

رجع ليها

رجع ليها
مكنش سابها علشانى
ولما سابته رمى نفسه فى أحضانى
وأحضانى كانت واسعة
فى عز البرد ليه دافية
فى قلب الوحدة بتسليه
ويوم فجأة
صحيت ولقيتنى بردانة
دا ساب حضنى
ورجع ليها
وكنت أنا إيه
محاولة إنه ينساها
وسيلة يقول انا عايش
وليا قلب من غيرها
تعيش ياقلبى وتاخد غيرها
وبالساهل
يشد خط من بعدى ..وينسانى
وفوق الخط خلاص مسحه..وخلانى
وانا اللى فى يوم اشترى فرحه بأحزانى
ومش هابكى ولاهندم على اللى راح
عشان مكنش دا نصيبى ياقلبى ارتاح
وسيبك منه من الاخر كفايا جراح
مايستاهل
وبنحب اللى مش لينا
يقوم يبعد ويكوينا
ودمع العين يبكينا
نشوف فرحه ونفرح ليه
نشوف وحدتنا نتألم
ومنفكرش ندعى عليه
هندعيله
ينول اللى فى أحلامه
ينور ربنا لياليه
ويبعد عننا ذكراه
لازم ننساه وينسانا
ولو تانى بعد عنها ورجع لينا
هيرجع يلاقى صفحة مليانة
وملهوش مكان فيها
رجع ليها