27‏/02‏/2010

هى وهو......

هى/

فى عينيك انا ساكنة
هتفتح عنيك فى الضلمة..تلاقينى انا نورهم
وتفتح عنيك فى النور...تلاقينى قدامك
عشقاك وجوا عنيك..ساكنة بلاد الحب
عشقاك ومهما تروح...تلاقينى جوا القلب
انا بنت من بلدك..هشيل منك ولدك
وهكون ليك سندك...ويوم حزنك هكون انا سعدك

هو/
فى عنيكى انا هيمان
للحب انا عطشان
ومعاكى ياعمرى
حاسس بكل امان
دى عنيكى دى جنتى
وانتى الحلا لدنيتى
هتكونى ام عيالى
راس مالى انتى وحلالى
ورضاكى دا تاج راسى
يا جنتى

هى/

فى القلب انا شايلاك
حبك بيجرى مع الدم فشرايينى
وانتا كتاب حفظاك
مهما تتوه فى الحياه جنبك تلاقينى
اخد بايدك لما تضيق علينا الحياه
واكون وراك لما توصل لمبتغاك
احلم معاك..واضحك معاك..وابكى معاك..وافضل معاك
وهى الحياة تكون حياة الا معاك

هو/

فى القلب مالكة القلب..جوا القلب موجود

وكل حتة فيكى..على جدار القلب محفورة
بحسب حساباتى جوا العقل الاقيكى فى نتايجه
ومين يقدر يخالف عقلى لما يحب
دا انتى كل حبايبه
شايفك بعيدة بعد نجمة فى السما مسحورة
وشايفك قريبة قرب دمعة فى العيون مكسورة
و فبعدك انا مكسور..و فقربك انا مسحور
كونيلى نجمة قريبة وكونيلى دمعة بعيدة

23‏/02‏/2010

كلمات فى الظلام

أحتمى منك اليك ..فأجدنى أهرب من النار الى الجحيم دون اعتراض أو خوف
لربما أعشقك فى جميع حالاتك...انه الحب ذاك الذى يقذف بى فى بحر الظلمات..مع ان الحب معناه نور وسكينة
فلماذا عندما يتعلق الحب بى تختلف المسميات...
لا هذا فحسب ..بل تختلف ايضا المشاعر والاحاسيس
لربما انى اتصور له صورة خيالية...
وان يكن..فالخيال هو الشئ الوحيد الذى املكه حيال هذا العالم المتخفى الذى لا أعلم عنه حقيقة سوا اسمه..اما مادون ذلك فهو محض افتراضات..تحتمل النقيضين..الخطأ والصواب

أيها الحب ان كنت عالم تقبل المستكشفين فاقبلنى مجرد عابرة سبيل....
وان لم تكن تقبل سوى من له رغبة فى خوض التجربة..فعذرا
لن اقبل ان اضع قلبى تحت سيطرتك
ولن اقبل ان يصنع منى باسم الحب فأر تجارب