الباحثة عن المستحيل

معك ايتها الدنيا اسبح ضد التيار .فلقد علمتنى انه لا يسبح مع التيار سوى السمك الميت. وانا سمكة اريد الحياة وابحث عن الحب....
لن اسبح سوى ضد التيار علنى اجد ضالتى المنشودة

ما هذا!!!!!!!!!!!!!
ما هذا الذى اراه بعيدا يحلق فى الافق؟؟
انه طائر ضخم ..انه قادم بسرعة فى اتجاهى

اهو صديق ..هل سياخذنى ويجعلنى اطير فى اعالى السماء

لطالما تمنيت ان احلق وارى شيئا غير هذا الماء رغم ما يقولونه على ان خروجى من الماء يعنى الموت

انا امامك ايها الطائر
خذنى....خذنى وحلق بى بعيدا فلقد اعيتنى السباحة ضد التيار!!!!

!!!!!!!!!!!!!!!!!!!!!!!!!!!!!!!!!!!!!!!

لقد اكلها الطائر فما حسبته صديقا لم يكن سوى عدو
قتلتها احلامها المستحيلة.... قتلتها احلامها المستحيلة

حقيقة

محتاج اسمع كلامك ..او اصدقك حتى
بس كل كلامك...مفيهوش كلمة صادقة
العيب عليا انا والا على الزمان
يمكن زمانى خاننى والا تعبيرى خان
انا كنت قبل ما اغمض عنيا شايف دنيا بريئة
وبعد ما غمضتها اسودت وبانت الحقيقة
مفيش حد نصدقه ولا حد نرتاحله
الا وفجأة وبكل قسوة تنتهى حكايته
هعيش زمانى ودنيتى لوحدى
واسيب الشك واهله فى دنيا مش ملكى
وايه ممكن يكون اصعب على الانسان
يعيش وكل البشر فى عيونه خداعة

اجمل حياة

ايام انتهت ومعدش فاضل غير ساعات..
وتيجى تقوللى لازم نفترق...
ودموعنا تبقى بحور اهات...ولازم نفترق

لابد نبعد ليه حرام...بتقوللى هنبيع الغراام
فى ظروف بتمنع حبنا...وظروفنا اقوى مننا

طب قوللى نقدر نغير ظروفنا..ونبنى احلامنا وحياتنا
والا الظروف هتبقى اقوى من حبنا

ارجوك متبعدش النهاردة
وتقوللى مزعلش وانى ارضى
دا ميرضنيش غير انى اعيش
وياك وغير كدا لا يمكن ارضى

هات اديك واوعدك نقهر ظروفنا
وبالتحدى والامل هنعيش حياتنا

اجمل حياة...انا وانتا ....اجمل حياااااااااااة

المرايا

ساعات كتير بحس انى واحدة تانية غير اللى اعرفها.

ابص فى المرايا المح ملامح غريبة عليا.

بحاول اتاقلم معاها ولما خلاص اتاقلم معاها يفوت يوم واتنين وابص فى نفس المرايا الاقى ملامح تانية خالص ملامح جديدة عليا

بعد ما كنت اتاقلمت عليا فجاة انسانى تانى

خلاص زهقت من كتر محاولات التكرار لدرجة انى قعدت يومين من غير نوم ابص فى المرايا واحفظ ملامحى واستناها تتغير لكن مش بتتغير

واول ما اسيب المرايا واقعد فترة مبصش فيها ارجع تانى مش الاقينى

فشلت كل محاولاتى فى الاحتفاظ بصورتى فى ذاكرتى وكانت هذه هى اول اعراض نسيانى لذاتى فى الدنيا

بدأ نسيانى لذاتى بنسيانى لملامح وجهى

وانتهى نسيانى لذاتى بستون خريفا وحدى

وما بيت الستون خريفا ابناء واحفاد واموال وكل شئ يسعد اللى حواليا

انتهيت بيا وانا عمرى ستين امام نفس المرايا ولكن بملامح مخيفة لاى من البشر

ولكن اللى مش تعرفوه انها مش كانت مخيفة ليا خاااالص
عارفين ليه ؟

لانى مش فاكرة ملامح قبل الملامح دى والملامح دى بكرة مش هفتكرها .....

جمعت ولادى واحفادى قدام المرايا ومرت قدامهم وشوش كتير وانا مذهولة (انا شفت الوشوش دى فين قبل كده) الشكل ده مش غريب عليا

وانتهى الموضوع باغلاقها عينها للابد وسقوط المرايا على الارض وانكسار المرايا
لكنها لم تمت بانكسار المرايا
فما زالت صورتها فى اعين اولادها واحفادها وكل من قدمت له خير بدون مقابل

ظلت صورتها محفورة فى قلوبهم قبل عيونهم