موضوع يحتاج تكملة

فيه حلم بنحلم بيه

بنخاف اننا نحكيه

ونعيش عمرنا نداريه

مع ان نفسنا نصرخ بيه

لكن اوقات لازم نكتم جوانا

عشان اجمل ناس يفضلوا ويانا

.................

.............

؟؟؟

بص لى فى عينى وقوللى..

قوللى ايه اللى حصل لى

لما شفت صورتك فى حلمى

قبل ما اشوفها فى حقيقتى

شفت صدفة حد غالى..

سهرت ويااه احلى الليالى

حلم كان..حلم انى اكون لك

حلم كان..انك تكون لى

سبنا احلامنا لحقيقة

دمرت فينا الخيال

كنت بحلم..وانتا حلمى

لكن فى لحظة افتكرت..

ان حلمك مش هو حلمى

ان حلمك بعيد عنى

بس حلمى غصب عنى

هربت منه..ورجعت تانى

خفت لو قلت الحقيقة

ينتهى حلم عمرى

مش مهم حقيقتى ايه

المهم حقيقتك انتا ممكن تكون فى يوم من الايام حلمى؟؟؟؟؟؟؟؟

من وحى....

من وحى حد..مش اى حد

بصيت جوا المرايا ..لقيت صورتك فيها..مع ان المفروض اشوف صورتى انا...دا تفسيره يبقى ايه..؟؟؟

ساعات الروح وهى بتتخلق بتتقسم لروحين

وانا حاسة روحى جزء منها فيك

بشوف نفسى فى المرايا الاقيك

وبقعد كتير مع نفسى..احسنى مش وحدى

معقولة ممكن يكون دا احساسى انا لوحدى؟؟؟

لو الارواح بتتلاقى

ياريت روحى تطول روحك

ياريت روحك تطول روحى

والحل ايه؟؟

انا هطلق روحى وهسيبها

ولو كنت انتا حبيبها

روحك هتمسكها

وتتجمع روح اتقسمت ساعة الميلاد لروحين

ولو سبت روحى فى السما طايرة

هتعيش طول عمرها حايرة