قصة حب

لما الهوا طال قلبى
خفت الهوا يلعب بي
تصبح حلاوة الشوق
مرارة الاشواك
وارجع أحن إليك
وحياتى ملك ايديك
وترجع تتوه منى
والاقيك بعيد عنى
يصدقك قلبى
ويبعدك عقلى
وارجع افكر فيك
واخاف من اللى جاى
واخاف منى عليك
واسأل عليك الناس
يتوهوك منى
ويبعدوك عنى
واسأل عليك نفسى
تقربك منى
وتبعدك عنى
يانفسى.. يانفسى
هو حلاوة الروح
وضحكة الايام
لاتخافى يانفسى
ولاتبعدى عنه
لأ..قربى منه
وازعل قوى منك
لما يطوول بعدك
مع إنه مش قصدك
دى لعبة الايام
مابين لؤى وخصام
ولما أنول قربك
انا بفتكر بعدك
وأخاف نتوه تانى
فى زحمة الدنيا
وسكتك والله
بالخير أدعيلك
ربى يمهدها
وينولك أمانيك
ويديم رضاه عليك
إرضى بئى عنى
ولاتزعل فى يوم منى
ولو جيت تسألنى
انا أبئى ايه ليكى..
انا ابئى ايه اصلا
من غيرك يا عمرى
انا ايه وانتا بعيد
انا حاسة بالوحدة
انا ايه وانتا قريب
كأنى فى الجنة
انا ايه وانتا سعيد
انا طايرة مالفرحة
عاوزنى اقولك ايه؟
والله انا بحبك
ولافيه فى قلبى مكان
يسكنه غيرك
بكرة هنتلاقى
بالخير والفرحة
ويومها هقيدلك طريقك
بمليوون شمعة
وامشى انا فى ضلمة
لو عنك أستغنى
تبقى حياتى مرار
ويبقى وجودى حراام
انا نفسى اكون جنبك
ايدى فى ايدك وحلمنا واحد
وقلبنا واحد
وفكرنا فكرين
يكملوا بعضيهم
لو يوم قلبك قسى
قلبى انا هيلين
ولو يوم قلبى نسى
قلبك يفكرنى
هقولك ايه تانى؟
كل اللى جوايا
مايكفيهوش الكلام
لو عشت طول عمرى
اقول كلام وكلام
حبى ليك ياحبيبى
اختصره فى كلمة واحدة

هى الاحتواااااااااااااااء