هى/
فى عينيك انا ساكنة
هتفتح عنيك فى الضلمة..تلاقينى انا نورهم
وتفتح عنيك فى النور...تلاقينى قدامك
عشقاك وجوا عنيك..ساكنة بلاد الحب
عشقاك ومهما تروح...تلاقينى جوا القلب
انا بنت من بلدك..هشيل منك ولدك
وهكون ليك سندك...ويوم حزنك هكون انا سعدك
هو/
فى عنيكى انا هيمان
للحب انا عطشان
ومعاكى ياعمرى
حاسس بكل امان
دى عنيكى دى جنتى
وانتى الحلا لدنيتى
هتكونى ام عيالى
راس مالى انتى وحلالى
ورضاكى دا تاج راسى
يا جنتى
هى/
فى القلب انا شايلاك
حبك بيجرى مع الدم فشرايينى
وانتا كتاب حفظاك
مهما تتوه فى الحياه جنبك تلاقينى
اخد بايدك لما تضيق علينا الحياه
واكون وراك لما توصل لمبتغاك
احلم معاك..واضحك معاك..وابكى معاك..وافضل معاك
وهى الحياة تكون حياة الا معاك
هو/
فى القلب مالكة القلب..جوا القلب موجود
وكل حتة فيكى..على جدار القلب محفورة
بحسب حساباتى جوا العقل الاقيكى فى نتايجه
ومين يقدر يخالف عقلى لما يحب
دا انتى كل حبايبه
شايفك بعيدة بعد نجمة فى السما مسحورة
وشايفك قريبة قرب دمعة فى العيون مكسورة
و فبعدك انا مكسور..و فقربك انا مسحور
كونيلى نجمة قريبة وكونيلى دمعة بعيدة
هناك 5 تعليقات:
الله على الرومانسية بجد جميلة
انا بنت من بلدك..هشيل منك ولدك
وهكون ليك سندك...ويوم حزنك هكون انا سعدك
بجد احلى حاجة في الحب لما يكون في النور قدام الناس كلها
وكمان بيكون شعور حلو قوي لما تحس انها شايله جزء من حبيبها جواها بيتنفس معاها وعايش كل لحظة وياها
تحياتي ليكي
ببساطه .. ومن غير كلام كتير
عاجباااااااااااني :)
الله جميل اوي البوست ده
بجد عجبني اوي وكله رومانسيه
تحياتي الغاليه جدا
كلك رقه
ربنا يسعدك
سفدت جدا بمرورى هنا
تحياتى
Just waiting.تحياتنى كمان ليكى وعندك حق الحب مصدره نور مش ضلمة...
ђager ZaǮbal.....ميرسى ياجميل ..دا من زوقك بس
مها..ربنا يخليكى ..
الشـوكة الــنـاعـمـة..انا سعدت اكتر بوجودك هنا...منورة البلوج
إرسال تعليق