موال حزين

ياللى بعت المحبة بارخص الاتمان

بكرة تجرى وراها ولا تلاقى لها مكان

بعت المحبة وشربت من كاس من الحرمان

بعد ما اداك كل عمره رميته واللى كان كان

جاى دلوقتى تقول عايز شربة حنان

ومنين نجيب الحنان بعد ما الحب هان

دا القلب بئى قاسى حجر من يوم ما اتهان

واللى جرى جرى والحبيب خان

مكتوب علينا نشرب من المر والاحزان

واللى يبيعنا نبيعه ولا نبكيش على قلب خان

السكة مشيناها

والطريق جرحنا

ويامين يداوى القلوب المجروحة

مفيش دوا الا باكبر الاتمان

دواك ياقلبى تنسى

اللى سابك تسيبه

واللى باعك لاهو حبيبك ولا انتا كنت حبيبه
بص قدام عنيك هتلاقى قلوب كتيرة..

فتحالك دراعتها

اوعى تصدقها

اقفل قلبك وشاور عقلك على الحبيب

ولو عقلك خالف قلبك سيب اللى عليه الخلاف

ولا تخلى قلبك وعقلك يفترقوا فى يوم من الايام

هو دا الزمن

وهى دى سكته

نشرب كاس الهوا ونشرب معاه كاس الاحزان

ارميه ياقلبى ودوس عليه

والا اقولك.. سيبه لربنا هو اللى هيقدر عليه

واوعى فى يوم ياقلبى تدعى عليه

احسن يتردلك الدعوة فى اعز ما ليك

سامحه ياقلبى..او سيبه منه لرب منتقم جبار

واوعى تكون انتا عليه جبار

لكل كبير فيه اللى اكبر منه

ولكل قادر ربنا يقدر عليه ويهده
واوعى فى يوم دموعك تنزل عشانه

او قلبك يحس بالشفقة ليه

هو اللى ابتدا

وانتا قول النهاية

واوعى تخلى النهاية باديه

اوعى تخلى النهاية مفتوحة

انهيها حتى لو جراح قلبك لساها مفتوحة

واقفل كتابك معاه بالضبة والمفتاح

لو صعبت عليك نفسك

ابكى بينك وبين ربنا

وقوله ياربنا

ابعد وحوش البشر عن قلبى

يارب مهد لى دربى

يارب اسقط قناع البشر وابعد عنى حيتان البشر

دا الملاك فى الكون مصيره انه ينداس